SHERIA YA UWEKEZAJI TANZANIA

©2025 Government of Tanzania. All rights reserved. No part of this book may be reproduced or distributed without permission of OAG.293
SURA YA 38
SHERIA YA UWEKEZAJI TANZANIA
[SHERIA KUU]
Mpangilio wa Vifungu
Kifungu Jina
sehemu ya kwanza
MASHARTI YA UTANGULIZI
1. Jina.
2. Matumizi.
3. Tafsiri.
sehemu ya pili
KITUO CHA UWEKEZAJI NA MAJUKUMU YAKE
4. Kuendelea kuwepo kwa Kituo na malengo.
5. Kamati ya Taifa ya Uwekezaji.
6. Majukumu ya Kituo.
7. Fursa za uwekezaji.
8. Mfumo unganishi wa kielektroniki.
9. Bodi.
10. Mwenendo wa uendeshaji wa Bodi.
11. Kamati za Bodi.
12. Mkurugenzi Mtendaji.
13. Maafisa na wafanyakazi wengine wa Kituo.
14. Ukomo wa uwajibikaji kwa wajumbe wa Bodi na wafanyakazi.
15. Fedha za Kituo.
16. Mwaka wa fedha wa Kituo.
17. Hesabu, ukaguzi na taarifa.
sehemu ya tatu
MASHARTI YANAYOHUSU UWEKEZAJI
18. Kituo cha Huduma Mahala Pamoja.
19. Maombi ya cheti na usajili.
20. Uhai na kufutwa kwa cheti cha vivutio.
21. Uratibu wa uanzishwaji wa taasisi za kibiashara.
22. Manufaa.
23. Manufaa kwa uwekezaji wa kimkakati au uwekezaji maalum wa kimkakati.
24. Manufaa na vivutio vinavyosimamiwa na sheria nyingine.

hara.
22. Manufaa.
23. Manufaa kwa uwekezaji wa kimkakati au uwekezaji maalum wa kimkakati.
24. Manufaa na vivutio vinavyosimamiwa na sheria nyingine.

©2025 Government of Tanzania. All rights reserved. No part of this book may be reproduced or distributed without permission of OAG.294SHERIA YA UWEKEZAJI TANZANIA [SURA YA 38 TOLEO LA 2023]
sehemu ya nne
HAKI NA WAJIBU WA SERIKALI NA WAWEKEZAJI
25. Haki ya kusimamia uwekezaji.
26. Wajibu wa mwekezaji.
27. Dhamana dhidi ya kurekebishwa au kubadilishwa kwa manufaa.
28. Dhamana ya uwekezaji, uhamishaji wa mitaji, faida na gawio.
29. Kinga dhidi ya utaifishaji au utwaaji.
30. Ukomo wa idadi ya wafanyakazi wa kigeni.
31. Upatikanaji wa mikopo kwa wawekezaji wa kigeni kutoka vyanzo vya ndani.
sehemu ya tano
MASHARTI YA JUMLA
32. Rufaa na mapitio.
33. Utatuzi wa migogoro.
34. Makosa na adhabu.
35. Kanuni.
36. Kufutwa kwa Sheria
37. Masharti ya mpito.

tano
MASHARTI YA JUMLA
32. Rufaa na mapitio.
33. Utatuzi wa migogoro.
34. Makosa na adhabu.
35. Kanuni.
36. Kufutwa kwa Sheria
37. Masharti ya mpito.

©2025 Government of Tanzania. All rights reserved. No part of this book may be reproduced or distributed without permission of OAG.295
SEHEMU YA KWANZA
MASHARTI YA UTANGULIZI
1. Sheria hii itajulikana kama Sheria ya Uwekezaji Tanzania. 2.–(1) Kwa kuzingatia kifungu hiki, Sheria hii itatumika kwa
taasisi yoyote ya kibiashara iliyokidhi matakwa yaliyoainishwa
katika kifungu kidogo cha (2) isipokuwa taasisi ya kibiashara-
(a) iliyoidhinishwa kufanya shughuli za utafiti au uchimbaji
wa madini chini ya Sheria ya Madini au inayoomba
idhini ya kufanya shughuli nyingine zozote kama hizo;
(b) iliyoidhinishwa kufanya shughuli za utafiti au uzalishaji
mafuta au kujenga au kuendesha bomba la mafuta chini
ya Sheria ya Petroli au inayoomba idhini ya kufanya
shughuli nyingine zozote kama hizo; na
(c) ambayo inajishughulisha na utengenezaji, utafutaji wa
masoko au usambazaji wa kemikali hatarishi, silaha au
aina yoyote ya milipuko.

kama hizo; na
(c) ambayo inajishughulisha na utengenezaji, utafutaji wa
masoko au usambazaji wa kemikali hatarishi, silaha au
aina yoyote ya milipuko.

Jina
Matumizi
Sura ya 123
Sura ya 392
SURA YA 38
SHERIA YA UWEKEZAJI TANZANIA
Sheria ya kuweka masharti ya uwekezaji Tanzania, kuweka masharti ya
mazingira bora kwa wawekezaji, kuweka mfumo wa kitaasisi kwa ajili ya
uratibu, ulinzi, uvutiaji, uhamasishaji na uwezeshaji wa uwekezaji nchini,
kufuta Sheria ya Uwekezaji Tanzania, 1997 na masuala yanayohusiana
na hayo. [20 Februari, 2023]
[TS. Na. 94 la 2023]
Sheria Na. 10 ya 2022

aji nchini,
kufuta Sheria ya Uwekezaji Tanzania, 1997 na masuala yanayohusiana
na hayo. [20 Februari, 2023]
[TS. Na. 94 la 2023]
Sheria Na. 10 ya 2022

©2025 Government of Tanzania. All rights reserved. No part of this book may be reproduced or distributed without permission of OAG.296SHERIA YA UWEKEZAJI TANZANIA [SURA YA 38 TOLEO LA 2023]
(2) Biashara iliyoainishwa kwa madhumuni ya kifungu hiki
ambayo inaweza kupata manufaa na kinga inayotolewa chini
ya Sheria hii ni ile ambayo-
(a) ikiwa yote inamilikiwa na mwekezaji wa kigeni au
ikiwa ni ubia, kima cha chini cha mtaji wa uwekezaji si
chini ya shilingi za Tanzania sawa na dola laki tano za
Marekani (US$ 500,000); au
(b) ikiwa inamilikiwa na Mtanzania, kima cha chini cha
mtaji wa uwekezaji si chini ya shilingi za Tanzania sawa
na dola za Marekani elfu hamsini (US$ 50,000). (3) Bila kujali masharti ya kifungu kidogo cha (1)(a) na
(b), masharti ya kifungu cha 28 yanayohusiana na dhamana
ya uhamishaji wa mtaji, faida na gawio na kifungu cha 29
kinachohusiana na dhamana dhidi ya utaifishaji yatatumika
kwa taasisi yoyote ya kibiashara ambayo ina haki ya madini
iliyotolewa chini ya Sheria ya Madini au leseni iliyotolewa chini
ya Sheria ya Petroli kana kwamba mmiliki kwa madhumuni ya
masharti hayo amepewa cheti cha vivutio na kinga.

eria ya Madini au leseni iliyotolewa chini
ya Sheria ya Petroli kana kwamba mmiliki kwa madhumuni ya
masharti hayo amepewa cheti cha vivutio na kinga.

(4) Hakuna chochote katika kifungu cha 29 kinachohusiana
na utaifishaji kitasomwa au kutafsiriwa kuwa kinapunguza
au kuongeza haki ya Waziri au Kamishna chini ya au kwa
mujibu wa Sheria ya Petroli au Sheria ya Madini kufuta leseni
iliyotolewa chini ya sheria hizo. (5) Bila kujali kifungu kidogo cha (1), Kituo kitawahudumia
wawekezaji wote, bila kujali kuwa Sheria hii inawahusu au
la, na kuwasaidia kupata vibali, idhini, usajili, ridhaa, leseni
na suala lolote linalohitajika kisheria kwa mtu kuanzisha na
kuendesha shughuli za uwekezaji. 3. Katika Sheria hii, isipokuwa kama muktadha utahitaji
vinginevyo-
“Bodi” maana yake ni Bodi ya Wakurugenzi ya Kituo
iliyoteuliwa chini ya kifungu cha 9;
“cheti” maana yake ni cheti cha vivutio kilichotolewa chini
ya kifungu cha 19(1);
“Kituo” maana yake ni Kituo cha Uwekezaji Tanzania
kilichoanzishwa chini ya kifungu cha 4;
Sura ya 123
Sura ya 392
Sura ya 392
Sura ya 123
Tafsiri

1);
“Kituo” maana yake ni Kituo cha Uwekezaji Tanzania
kilichoanzishwa chini ya kifungu cha 4;
Sura ya 123
Sura ya 392
Sura ya 392
Sura ya 123
Tafsiri

©2025 Government of Tanzania. All rights reserved.

©2025 Government of Tanzania. All rights reserved.

No part of this book may be reproduced or distributed without permission of OAG.297SHERIA YA UWEKEZAJI TANZANIA [SURA YA 38 TOLEO LA 2023]
“manufaa” inajumuisha nyenzo na vivutio vinavyotolewa
kwa mujibu wa Sheria hii;
“mtaji” inajumuisha mchango wa fedha taslimu, mitambo,
mashine, vifaa, majengo, vipuri, ardhi, hakimiliki na mali
nyingine za biashara tofauti na hadhi ambazo hazitumiki
katika shughuli za kawaida za biashara na zinazoweza
kudumu kwa zaidi ya miezi kumi na mbili;
“mtaji wa kigeni” inajumuisha fedha zinazoweza
kubadilishwa, mtambo, mashine, vifaa, vipuri, malighafi
na mali nyinginezo za biashara tofauti na hadhi
zinazoingia Tanzania bila malipo ya awali ya fedha za
kigeni na zinazokusudiwa kuzalisha bidhaa na huduma
zinazohusiana na biashara ambayo Sheria hii inatumika;
“mwekezaji wa kigeni” ikiwa ni mtu binafsi maana yake ni mtu
ambaye si raia wa Tanzania, na ikiwa ni kampuni, maana
yake ni kampuni iliyosajiliwa chini ya sheria za nchi yoyote
tofauti na Tanzania, kampuni iliyosajiliwa chini ya sheria
za Tanzania ambapo zaidi ya asilimia hamsini ya hisa
zinamilikiwa na mtu ambaye si raia wa Tanzania, na ikiwa
ni ubia, maana yake ni ubia ambapo maslahi makubwa
yanamilikiwa na mtu ambaye si raia wa Tanzania;
“mwekezaji wa ndani” maana yake ni mtu binafsi ambaye ni
raia wa Tanzania, kampuni iliyosajiliwa chini ya sheria za
Tanzania ambapo hisa nyingi zinamilikiwa na mtu ambaye
ni raia wa Tanzania, au ubia ambao maslahi makubwa
yanamilikiwa na mtu ambaye ni raia wa Tanzania;
“nyenzo” zinajumuisha leseni, idhini na vibali vinavyohitajika
kwa ajili ya kuanzisha biashara ambazo mwekezaji
atapaswa kupata kwa madhumuni ya Sheria hii;
“taasisi ya kibiashara” maana yake ni kiwanda, mradi,
shughuli au biashara ambayo Sheria hii inatumika
au upanuzi, urekebishaji, ukarabati au uboreshaji wa
kiufundi wa kiwanda, mradi, shughuli au biashara au
sehemu yoyote ya biashara, ili mradi taasisi hiyo ya
biashara inaendeshwa kwa madhumuni ya kupata faida
na kwa misingi ya kibiashara;

i au biashara au
sehemu yoyote ya biashara, ili mradi taasisi hiyo ya
biashara inaendeshwa kwa madhumuni ya kupata faida
na kwa misingi ya kibiashara;

©2025 Government of Tanzania. All rights reserved. No part of this book may be reproduced or distributed without permission of OAG.298SHERIA YA UWEKEZAJI TANZANIA [SURA YA 38 TOLEO LA 2023]
“uwekezaji’ maana yake ni uanzishaji au umiliki wa mali
mpya za biashara na inajumuisha upanuzi, urekebishaji
au ukarabati wa biashara iliyopo;
“vivutio” maana yake ni nafuu za kodi, viwango vya kodi vya
masharti nafuu au manufaa mengine yoyote anayoweza
kupata mwekezaji chini ya sheria yoyote inayotumika
kwa wakati huo; na
“Waziri” maana yake ni Waziri mwenye dhamana ya
uwekezaji. SEHEMU YA PILI
KITUO CHA UWEKEZAJI NA MAJUKUMU YAKE
4.–(1) Kutaendelea kuwepo na chombo kitakachojulikana
kama Kituo cha Uwekezaji Tanzania. (2) Kituo kitakuwa Wakala wa Serikali na kitakuwa chini ya
usimamizi wa jumla wa Waziri.

a chombo kitakachojulikana
kama Kituo cha Uwekezaji Tanzania. (2) Kituo kitakuwa Wakala wa Serikali na kitakuwa chini ya
usimamizi wa jumla wa Waziri.

(3) Kituo kitakuwa taasisi nafsi chenye urithishano endelevu
na lakiri na kwa jina lake kitakuwa na uwezo wa-
(a) kumiliki mali inayohamishika na isiyohamishika, kuuza
mali na kuingia mkataba au shughuli nyingine yoyote;
(b) kushtaki na kushtakiwa; na
(c) kufanya mambo mengine yoyote ambayo taasisi nafsi
inaweza kufanya kwa mujibu wa sheria, kwa ajili ya
utekelezaji bora wa majukumu yake chini ya Sheria hii. (4) Kituo kitakuwa sehemu ya huduma mahala pamoja kwa
wawekezaji na kitakuwa ndicho chombo kikuu cha Serikali
cha kuratibu, kuhimiza, kuhamasisha na kuwezesha uwekezaji
Tanzania na kuishauri Serikali kuhusu sera ya uwekezaji na
masuala yanayohusiana na hayo. 5.–(1) Kwa madhumuni ya kuhamasisha, kuwezesha na
kutekeleza kwa ufanisi miradi ya uwekezaji Tanzania,
kutakuwa na Kamati ya Taifa ya Uwekezaji itakayokuwa na
wajumbe wafuatao:
(a) Waziri Mkuu ambaye atakuwa Mwenyekiti;
Kuendelea
kuwepo kwa
Kituo na malengo
Kamati ya Taifa
ya Uwekezaji

ekezaji itakayokuwa na
wajumbe wafuatao:
(a) Waziri Mkuu ambaye atakuwa Mwenyekiti;
Kuendelea
kuwepo kwa
Kituo na malengo
Kamati ya Taifa
ya Uwekezaji

©2025 Government of Tanzania. All rights reserved. No part of this book may be reproduced or distributed without permission of OAG.299SHERIA YA UWEKEZAJI TANZANIA [SURA YA 38 TOLEO LA 2023]
(b) Waziri mwenye dhamana ya uwekezaji, ambaye
atakuwa Makamu Mwenyekiti;
(c) Mwanasheria Mkuu wa Serikali;
(d) Waziri mwenye dhamana ya mambo ya nje;
(e) Waziri mwenye dhamana ya fedha;
(f) Waziri mwenye dhamana ya ardhi;
(g) Waziri mwenye dhamana ya katiba na sheria;
(h) Waziri mwenye dhamana ya serikali za mitaa;
(i) Waziri mwenye dhamana ya sera na uratibu;
(j) Gavana wa Benki Kuu ya Tanzania;
(k) Kamishna Mkuu wa Mamlaka ya Mapato Tanzania;
(l) Mkurugenzi Mtendaji wa Kituo cha Uwekezaji
Tanzania, ambaye pia atakuwa Katibu wa Kamati; na
(m) mtu mwingine yeyote atakayealikwa na Waziri kadri
itakavyohitajika baada ya kushauriana na Mwenyekiti.

ia, ambaye pia atakuwa Katibu wa Kamati; na
(m) mtu mwingine yeyote atakayealikwa na Waziri kadri
itakavyohitajika baada ya kushauriana na Mwenyekiti.

(2) Kamati ya Taifa ya Uwekezaji, miongoni mwa
mambo mengine-
(a) itahakikisha kuwa mazingira mazuri kwa uwekezaji
katika sekta binafsi na miradi ya ubia kati ya sekta ya
umma na sekta binafsi yanaendelezwa na kudumishwa;
(b) itaongoza sera ya uwekezaji na kutoa mwelekeo wa
pamoja kuhusu Mpango wa Taifa wa Uwekezaji;
(c) itaidhinisha vivutio kwa wawekezaji wa kimkakati na
wawekezaji maalum wa kimkakati; na
(d) itasimamia miradi mikubwa yenye matokeo makubwa
kitaifa kulingana na ukubwa, mtaji, manufaa ya
kiteknolojia na ajira. (3) Kwa madhumuni ya kurahisisha utekelezaji wa
majukumu ya Kamati ya Taifa ya Uwekezaji, kutakuwa na
Kamati ya Wataalamu itakayoundwa na wajumbe kutoka
katika taasisi za Serikali zinazohusika na uwekezaji kama
itakavyoainishwa kwenye Kanuni. (4) Waziri, baada ya kushauriwa na Bodi, atatengeneza
Kanuni kwa ajili ya kuweka utaratibu wa utekelezaji wa
majukumu ya Kamati ya Taifa ya Uwekezaji na Kamati
ya Wataalamu.

shauriwa na Bodi, atatengeneza
Kanuni kwa ajili ya kuweka utaratibu wa utekelezaji wa
majukumu ya Kamati ya Taifa ya Uwekezaji na Kamati
ya Wataalamu.

©2025 Government of Tanzania. All rights reserved.

©2025 Government of Tanzania. All rights reserved.

No part of this book may be reproduced or distributed without permission of OAG.300SHERIA YA UWEKEZAJI TANZANIA [SURA YA 38 TOLEO LA 2023]
6.–(1) Kwa madhumuni ya kifungu cha 5, Kituo-
(a) kitakuwa taasisi kuu itakayotekeleza na kuratibu
uimarishaji wa taswira na rajamu ya nchi katika
uwekezaji na uhamasishaji wa uwekezaji nchini;
(b) kitaanzisha na kusaidia hatua zitakazoboresha
mazingira ya uwekezaji nchini kwa wawekezaji wa
ndani na nje;
(c) kitakusanya, kupanga, kuchambua na kusambaza
taarifa kuhusu fursa za uwekezaji na vyanzo vya mitaji
ya uwekezaji, na pale kitakapoombwa kitatoa ushauri
kwa wawekezaji kuhusu upatikanaji na uchaguzi wa
wabia wanaofaa katika miradi ya ubia;
(d) kitahamasisha ushiriki wa sekta binafsi katika utoaji wa
huduma kwa umma kupitia ubia kati ya sekta ya umma
na sekta binafsi;
(e) kwa kushauriana na taasisi na wakala za Serikali,
kitaainisha maeneo ya uwekezaji, mashamba au
ardhi pamoja na huduma zinazohusiana na maeneo,
mashamba au ardhi yoyote kwa madhumuni ya
wawekezaji na uwekezaji kwa ujumla;
(f) kitawahudumia wawekezaji wote, ikiwa ni pamoja na
wale ambao hawafungwi na masharti ya Sheria hii,
na kuwasaidia kupata vibali, leseni, ridhaa, idhini,
ruhusa, usajili na masuala mengine yanayohitajika
kisheria kwa mtu kuanzisha na kuendesha shughuli za
uwekezaji na kuwezesha vyeti vinavyotolewa na Kituo
kutumika kikamilifu;
(g) kitatunza taarifa kuhusu wawekezaji wote na uwekezaji
kwa ujumla;
(h) kitatoa, kuendeleza, kujenga, kubadilisha, ili kuendana
na mahitaji, kudumisha na kusimamia maeneo ya
uwekezaji, mashamba au ardhi pamoja na nyenzo
zinazohusiana na maeneo, mashamba, ardhi hizo na
kwa kuzingatia sheria husika, uanzishaji na usimamizi
wa maeneo ya uzalishaji kwa mauzo ya nje;
Majukumu ya
Kituo

a na maeneo, mashamba, ardhi hizo na
kwa kuzingatia sheria husika, uanzishaji na usimamizi
wa maeneo ya uzalishaji kwa mauzo ya nje;
Majukumu ya
Kituo

©2025 Government of Tanzania. All rights reserved. No part of this book may be reproduced or distributed without permission of OAG.301SHERIA YA UWEKEZAJI TANZANIA [SURA YA 38 TOLEO LA 2023]
(i) kitaanzisha na kutunza kanzidata ya uwekezaji wa
watanzania nje ya nchi;
(j) kitatoa na kusambaza taarifa zinazoendana na
wakati kuhusu manufaa au vivutio vilivyopo kwa ajili
ya wawekezaji;
(k) kitashughulikia malalamiko yanayohusiana na uwekezaji;
(l) kitafanya ufuatiliaji na tathmini ya miradi ya uwekezaji
iliyo chini ya mamlaka yake;
(m) kitatekeleza na kusaidia shughuli za uhamasishaji
wa uwekezaji wa ndani ambazo ni muhimu katika
kuhimiza na kuwezesha ongezeko la uwekezaji wa
ndani, ikiwa ni pamoja na programu za maendeleo ya
ujasiriamali; na
(n) kitatekeleza majukumu mengine yoyote kwa ajili ya
kufikiwa kwa malengo ya Sheria hii. (2) Kwa madhumuni ya utekelezaji wa jukumu lililoainishwa
katika kifungu kidogo cha (1)(g), Kituo kwa kushirikiana na
mamlaka nyingine zinazosimamia uwekezaji, kitaanzisha
mfumo utakaowezesha upatikanaji wa taarifa muhimu za
wawekezaji nchini.

ituo kwa kushirikiana na
mamlaka nyingine zinazosimamia uwekezaji, kitaanzisha
mfumo utakaowezesha upatikanaji wa taarifa muhimu za
wawekezaji nchini.

(3) Waziri kwa kushirikiana na mawaziri wenye dhamana
ya mamlaka nyingine zinazosimamia uwekezaji, atatengeneza
kanuni zitakazoainisha namna ya upatikanaji wa taarifa za
wawekezaji na wajibu wa kila mamlaka. 7. Kituo kitabainisha fursa za uwekezaji zilizopo nchini
na namna ya kuzifikia kwa kushirikiana na mamlaka
nyingine zinazohusika. 8.–(1) Kituo kitaanzisha mfumo unganishi wa kielektroniki
kwa ajili ya uwezeshaji na uhamasishaji wa uwekezaji. (2) Mfumo unganishi utakaoanzishwa kwa mujibu
wa kifungu hiki utaunganisha mamlaka zote muhimu
zinazohusika na utoaji wa leseni, vibali, idhini na ridhaa
anazohitaji mwekezaji. Fursa za
uwekezaji
Mfumo unganishi
wa kielektroniki

laka zote muhimu
zinazohusika na utoaji wa leseni, vibali, idhini na ridhaa
anazohitaji mwekezaji. Fursa za
uwekezaji
Mfumo unganishi
wa kielektroniki

©2025 Government of Tanzania. All rights reserved. No part of this book may be reproduced or distributed without permission of OAG.302SHERIA YA UWEKEZAJI TANZANIA [SURA YA 38 TOLEO LA 2023]
9.–(1) Inaanzishwa Bodi ya Kituo ambayo itawajibika na
utekelezaji wa majukumu ya Kituo. (2) Bodi itakuwa na wajumbe tisa kama ifuatavyo:
(a) Mwenyekiti ambaye atateuliwa na Rais;
(b) wajumbe wawili kutoka sekta binafsi;
(c) wajumbe wanne watakaoteuliwa kutoka-
(i) Wizara yenye dhamana ya fedha;
(ii) Wizara yenye dhamana ya ardhi;
(iii) Wizara yenye dhamana ya mamlaka za serikali za
mitaa; na
(iv) Ofisi ya Mwanasheria Mkuu wa Serikali; na
(d) wajumbe wengine wawili wenye ujuzi na uzoefu wa
kutosha katika masuala ya uwekezaji na usimamizi
katika sekta ya umma au binafsi. (3) Wajumbe waliotajwa katika kifungu kidogo cha (2)(b)
hadi (d) watateuliwa na Waziri. (4) Muda wa wajumbe wa Bodi kushika nafasi utakuwa
kama ifuatavyo:
(a) Mwenyekiti - miaka minne; na
(b) wajumbe wengine - miaka mitatu. (5) Kila mjumbe anaweza kuteuliwa tena kwa muhula
mmoja zaidi na baada ya muhula huo kuisha, hatastahili
kuteuliwa tena.

jumbe wengine - miaka mitatu. (5) Kila mjumbe anaweza kuteuliwa tena kwa muhula
mmoja zaidi na baada ya muhula huo kuisha, hatastahili
kuteuliwa tena.

(6) Bodi inaweza kumwalika mtu yeyote mwenye utaalamu
au ujuzi katika suala lolote ambalo Bodi inajadili katika kikao
chake, isipokuwa kwamba mtu huyo hatakuwa na haki ya
kupiga kura. (7) Mkurugenzi Mtendaji atakuwa Katibu wa Bodi. (8) Mjumbe yeyote wa Bodi anaweza kujiuzulu kwa
kuitaarifu kimaandishi mamlaka yake ya uteuzi. (9) Wajumbe wa Bodi watalipwa posho kwa mujibu wa
taratibu na miongozo iliyowekwa. (10) Kwa kawaida Bodi itakutana mara moja kila baada ya
miezi mitatu na inaweza kukutana katika kikao cha dharura
pale itakapobidi. Bodi

o iliyowekwa. (10) Kwa kawaida Bodi itakutana mara moja kila baada ya
miezi mitatu na inaweza kukutana katika kikao cha dharura
pale itakapobidi. Bodi

©2025 Government of Tanzania. All rights reserved. No part of this book may be reproduced or distributed without permission of OAG.303SHERIA YA UWEKEZAJI TANZANIA [SURA YA 38 TOLEO LA 2023]
10. Kwa kuzingatia masharti ya Sheria hii, Bodi itajiwekea
utaratibu wa kuitisha na kuendesha vikao vyake. 11.–(1) Kwa madhumuni ya utekelezaji wa majukumu ya
Kituo, Bodi inaweza kuteua Kamati za Bodi zinazojumuisha
wajumbe wa Bodi na inaweza kuwapangia majukumu yoyote
ambayo Bodi inaweza kuamua. (2) Kamati ya Bodi inaweza kumwalika mtu yeyote mwenye
utaalamu au ujuzi katika suala lolote ambalo Kamati inajadili
katika kikao chake, isipokuwa kwamba mtu huyo hatakuwa na
haki ya kupiga kura. 12.–(1) Kutakuwa na Mkurugenzi Mtendaji wa Kituo ambaye
atateuliwa na Rais kwa mapendekezo ya Waziri kuhudumu-
(a) kwa kipindi cha miaka mitano na anaweza kuteuliwa
tena kwa kipindi kingine cha miaka mitano ambacho
hakitaongezwa; na
(b) kwa vigezo na masharti yaliyoainishwa katika hati ya
uteuzi wake au kama Bodi inavyoweza kuamua. (2) Kwa kuzingatia maelekezo ya jumla ambayo Bodi
inaweza kutoa, Mkurugenzi Mtendaji atawajibika kwa
usimamizi wa kila siku wa Kituo na utekelezaji wa maamuzi
ya Bodi.

a maelekezo ya jumla ambayo Bodi
inaweza kutoa, Mkurugenzi Mtendaji atawajibika kwa
usimamizi wa kila siku wa Kituo na utekelezaji wa maamuzi
ya Bodi.

13.–(1) Kwa kuzingatia masharti ya sheria zinazosimamia
utumishi wa umma, Bodi itaajiri maafisa na wafanyakazi
wengine wa Kituo kwa idadi na ngazi mbalimbali kama
itakavyohitajika kwa ajili ya utekelezaji bora wa majukumu
ya Kituo na kwa vigezo na masharti kama itakavyoamuliwa
na Bodi. (2) Kituo kitaanzisha ofisi za kanda zenye idadi na
mgawanyo wa maafisa na wafanyakazi kama Bodi inavyoweza
kuamua. (3) Bodi inaweza kukasimu baadhi ya mamlaka yake
chini ya kifungu kidogo cha (1) kwa Mkurugenzi Mtendaji
kwa ajili ya uteuzi wa wafanyakazi katika ngazi yoyote
inayoweza kuamua. Mwenendo wa
uendeshaji wa
Bodi
Kamati za Bodi
Mkurugenzi
Mtendaji
Maafisa na
wafanyakazi
wengine wa Kituo

yakazi katika ngazi yoyote
inayoweza kuamua. Mwenendo wa
uendeshaji wa
Bodi
Kamati za Bodi
Mkurugenzi
Mtendaji
Maafisa na
wafanyakazi
wengine wa Kituo

©2025 Government of Tanzania. All rights reserved. No part of this book may be reproduced or distributed without permission of OAG.304SHERIA YA UWEKEZAJI TANZANIA [SURA YA 38 TOLEO LA 2023]
14. Mjumbe, afisa au mfanyakazi mwingine wa Kituo
hatawajibika kwa nafasi yake binafsi katika mashauri ya madai,
kuhusiana na chochote alichotenda au kutotenda kwa nia
njema katika utekelezaji wa majukumu yake chini ya Sheria hii. 15.–(1) Fedha kwa ajili ya kukiwezesha Kituo kutekeleza
majukumu yake chini ya Sheria hii zitajumuisha-
(a) fedha zitakazoidhinishwa na Bunge kwa ajili hiyo;
(b) ada na tozo zinazotozwa kwa utoaji huduma kwa
wawekezaji na wahusika wengine kuhusiana na
majukumu ya Kituo chini ya Sheria hii; na
(c) fedha nyingine zozote zitakazopokelewa na Kituo kwa
madhumuni ya kutekeleza majukumu yake chini ya
Sheria hii. (2) Ndani ya miezi mitatu kabla ya mwisho wa kila mwaka
wa fedha, Kituo kitaandaa na kuwasilisha kwa Bodi kwa ajili
ya kuidhinishwa makadirio ya mapato na matumizi ya Kituo
kwa mwaka unaofuata na kinaweza, wakati wowote kabla ya
mwisho wa mwaka wa fedha, kuandaa na kuwasilisha kwa Bodi
kwa ajili ya idhini makadirio yoyote ya ziada ya mwaka husika.

aweza, wakati wowote kabla ya
mwisho wa mwaka wa fedha, kuandaa na kuwasilisha kwa Bodi
kwa ajili ya idhini makadirio yoyote ya ziada ya mwaka husika.

(3) Kwa kuzingatia maelekezo mengine yoyote ya Bodi,
hakuna matumizi yatakayofanywa kwa fedha za Kituo
isipokuwa kama matumizi hayo ni sehemu ya matumizi
yaliyoidhinishwa na Bodi chini ya makadirio ya mwaka wa
fedha ambapo matumizi hayo yatafanyika au katika makadirio
ya ziada. (4) Kwa idhini ya Bodi, Kituo kinaweza kuwekeza
fedha zozote zisizohitajika kwa matumizi ya haraka kadri
kitakavyoona inafaa. 16. Mwaka wa fedha wa Kituo utakuwa kipindi cha mwaka
mmoja utakaoishia tarehe 30 Juni. 17.–(1) Hesabu za Kituo zitaandaliwa kwa mujibu wa viwango
vya hesabu vilivyoidhinishwa na zitakaguliwa na Mdhibiti na
Mkaguzi Mkuu wa Hesabu za Serikali ndani ya miezi mitatu
baada ya kumalizika kwa mwaka wa fedha. Ukomo wa
uwajibikaji kwa
wajumbe wa Bodi
na wafanyakazi
Fedha za Kituo
Mwaka wa fedha
wa Kituo
Hesabu, ukaguzi
na taarifa

malizika kwa mwaka wa fedha. Ukomo wa
uwajibikaji kwa
wajumbe wa Bodi
na wafanyakazi
Fedha za Kituo
Mwaka wa fedha
wa Kituo
Hesabu, ukaguzi
na taarifa

©2025 Government of Tanzania. All rights reserved. No part of this book may be reproduced or distributed without permission of OAG.305SHERIA YA UWEKEZAJI TANZANIA [SURA YA 38 TOLEO LA 2023]
(2) Mara baada ya hesabu za Kituo kukaguliwa na kwa
vyovyote vile si zaidi ya miezi minne baada ya kumalizika
kwa mwaka wa fedha, Bodi itawasilisha kwa Waziri nakala ya
taarifa ya hesabu zilizokaguliwa pamoja na nakala ya taarifa
iliyotolewa na mkaguzi kuhusu hesabu za Kituo. (3) Ndani ya miezi mitano baada ya kumalizika kwa mwaka
wa fedha, Kituo kitaandaa na kuwasilisha kwa Waziri taarifa
inayohusu shughuli na uendeshaji wa Kituo katika mwaka
husika pamoja na-
(a) nakala ya hesabu za Kituo zilizokaguliwa;
(b) nakala ya taarifa ya mkaguzi kuhusu hesabu; na
(c) taarifa nyingine yoyote ambayo Waziri anaweza
kuelekeza. (4) Ndani ya muda usiozidi miezi mitatu baada ya kupokea
hesabu na taarifa ya Kituo, Waziri ataziwasilisha Bungeni.

e ambayo Waziri anaweza
kuelekeza. (4) Ndani ya muda usiozidi miezi mitatu baada ya kupokea
hesabu na taarifa ya Kituo, Waziri ataziwasilisha Bungeni.

SEHEMU YA TATU
MASHARTI YANAYOHUSU UWEKEZAJI
18.–(1) Kwa madhumuni ya kukifanya Kituo kuwa Kituo cha
Huduma Mahala Pamoja, idara za Serikali, wakala za Serikali
na taasisi nyingine za umma zitashirikiana kikamilifu na Kituo
katika utekelezaji wa majukumu chini ya Sheria hii. (2) Waziri anaweza, baada ya kushauriwa na Bodi
kimaandishi, kumuomba Waziri husika kuweka katika ofisi
za Kituo maafisa wowote watakaoainishwa na maombi
hayo yatatekelezwa. (3) Bila kujali kifungu kidogo cha (1), endapo leseni au
idhini zinahitajika na mwekezaji, Kituo kitawasiliana kwa
maandishi na mamlaka husika ili kuhakikisha leseni na idhini
zinazohitajika zinapatikana. (4) Mamlaka husika itakayopokea maombi chini ya kifungu
kidogo cha (3) itatoa leseni au idhini inayohitajika au mrejesho
kimaandishi wa ushughulikiaji wa maombi husika ndani ya
siku saba za kazi baada ya kupokea maombi hayo. (5) Endapo Kituo hakitapata mrejesho wa ushughulikiaji
wa maombi kutoka kwa mamlaka husika ndani ya muda
Kituo cha
Huduma Mahala
Pamoja

a maombi hayo. (5) Endapo Kituo hakitapata mrejesho wa ushughulikiaji
wa maombi kutoka kwa mamlaka husika ndani ya muda
Kituo cha
Huduma Mahala
Pamoja

©2025 Government of Tanzania. All rights reserved. No part of this book may be reproduced or distributed without permission of OAG.306SHERIA YA UWEKEZAJI TANZANIA [SURA YA 38 TOLEO LA 2023]
ulioainishwa chini ya kifungu kidogo cha (4), leseni au idhini
husika itachukuliwa kuwa imetolewa. (6) Endapo maombi ya kibali au idhini yatakataliwa na
mamlaka husika, mwekezaji anaweza kukata rufaa kwa Waziri
mwenye dhamana ya leseni au idhini husika kwa mujibu wa
sheria inayosimamia utoaji wa leseni au idhini hiyo. 19.–(1) Maombi yote ya vyeti vya vivutio na kinga chini ya
Sheria hii yatawasilishwa kwenye Kituo na Kituo kitatoa vyeti
kwa utaratibu utakaoainishwa kwenye Kanuni.

yote ya vyeti vya vivutio na kinga chini ya
Sheria hii yatawasilishwa kwenye Kituo na Kituo kitatoa vyeti
kwa utaratibu utakaoainishwa kwenye Kanuni.

(2) Endapo maombi ni ya uwekezaji mpya, yatakuwa na-
(a) jina na anwani ya taasisi ya kibiashara inayopendekezwa,
hadhi yake kisheria, taarifa za benki, majina na anwani
za kila mkurugenzi au mbia na jina, anwani, utaifa na
umiliki wa hisa kwa kila mwanahisa;
(b) sifa, uzoefu na maelezo mengine muhimu ya
wasimamizi wa mradi;
(c) aina ya shughuli ya kibiashara inayopendekezwa
na eneo linalopendekezwa ambapo shughuli hiyo
itafanyika;
(d) mchanganuo wa mtaji unaopendekezwa au kiasi cha
uwekezaji na makadirio ya ukuaji katika kipindi cha
miaka mitano ijayo;
(e) taarifa ya namna uwekezaji utakavyofadhiliwa;
(f) uthibitisho wa mtaji wa kutosha unaopatikana kwa
uwekezaji; na
(g) ahadi kwamba mradi utatekelezwa kama ilivyooneshwa
katika makadirio ya mradi. (3) Endapo maombi ni kwa ajili ya kukarabati au kupanua
biashara iliyopo au vyote kwa pamoja, yatakuwa na-
(a) jina la biashara iliyopo na katiba yake;
(b) sifa za wasimamizi wa mradi;
(c) taarifa ya hesabu zilizokaguliwa kwa miaka mitatu
iliyopita au kipindi kingine chochote kitakachoainishwa
kwa biashara ambayo haijatimiza miaka mitatu
tangu kuanzishwa;
(d) aina ya ukarabati au upanuzi;
Maombi ya cheti
na usajili

chochote kitakachoainishwa
kwa biashara ambayo haijatimiza miaka mitatu
tangu kuanzishwa;
(d) aina ya ukarabati au upanuzi;
Maombi ya cheti
na usajili

©2025 Government of Tanzania. All rights reserved. No part of this book may be reproduced or distributed without permission of OAG.307SHERIA YA UWEKEZAJI TANZANIA [SURA YA 38 TOLEO LA 2023]
(e) mchanganuo wa mtaji na makadirio ya ukuaji katika
kipindi cha miaka mitano ijayo;
(f) ufadhili wa mradi wa ukarabati au upanuzi, pamoja na
uthibitisho wa upatikanaji wa fedha; na
(g) ahadi kwamba upanuzi au ukarabati utatekelezwa
kama ilivyooneshwa kwenye makadirio. (4) Kituo kitatunza rejesta ya taasisi za kibiashara
zote zilizothibitishwa itakayokuwa na taarifa kadri Bodi
itakavyoamua. (5) Cheti cha vivutio hakitahamishwa au kurekebishwa bila
idhini ya Kituo. (6) Endapo kwa sababu yoyote ile mmiliki wa cheti ataacha
kufanya uwekezaji ulioainishwa kwenye cheti, atakitaarifu
Kituo kwa maandishi na atastahili kupata haki zote na atakuwa
na wajibu chini ya Sheria hii hadi tarehe ambayo aliacha kufanya
uwekezaji na kwa tarehe hiyo cheti chake kitachukuliwa kuwa
kimeisha muda wake.

akuwa
na wajibu chini ya Sheria hii hadi tarehe ambayo aliacha kufanya
uwekezaji na kwa tarehe hiyo cheti chake kitachukuliwa kuwa
kimeisha muda wake.

(7) Mmiliki wa cheti atakitaarifu Kituo kwa maandishi
pale ambapo-
(a) mtu mwingine tofauti na mmiliki wa cheti amerithi
uwekezaji;
(b) jina au taarifa za biashara zimebadilika; au
(c) uwekezaji umeongezeka au kuna mabadiliko makubwa
katika uwekezaji. (8) Bila kujali masharti ya kifungu kidogo cha (5), mtu
tofauti na mmiliki wa cheti ambaye ameathiriwa na au ana
maslahi katika mabadiliko chini ya kifungu kidogo cha (7),
anaweza kukitaarifu Kituo ikiwa mmiliki wa cheti atashindwa
kukitaarifu Kituo ndani ya muda muafaka. 20.–(1) Cheti cha vivutio kilichotolewa chini ya Sheria hii-
(a) kuhusiana na vivutio vya kifedha, kitakuwa hai
kwa muda usiozidi miaka mitano kuanzia tarehe ya
kutolewa; na
(b) kuhusiana na vivutio visivyo vya kifedha, kitakuwa hai
kwa kipindi chote cha utekelezaji wa mradi. Uhai na kufutwa
kwa cheti cha
vivutio

olewa; na
(b) kuhusiana na vivutio visivyo vya kifedha, kitakuwa hai
kwa kipindi chote cha utekelezaji wa mradi. Uhai na kufutwa
kwa cheti cha
vivutio

©2025 Government of Tanzania. All rights reserved. No part of this book may be reproduced or distributed without permission of OAG.308SHERIA YA UWEKEZAJI TANZANIA [SURA YA 38 TOLEO LA 2023]
(2) Bila kuathiri masharti ya kifungu kidogo cha (1)(a), uhai
wa cheti cha vivutio unaweza kuongezwa kwa kipindi kingine
kadri itakavyoamuliwa na Kituo baada ya kuwasilisha maombi
na sababu za msingi. (3) Cheti cha vivutio kitafutwa endapo Kituo kitaridhika
kwamba-
(a) cheti kilipatikana kwa njia ya udanganyifu au kwa
kutoa taarifa za uongo;
(b) mmiliki wa cheti amekiuka masharti ya utoaji
wa vivutio;
(c) cheti kimehamishwa kwa mtu au uwekezaji mwingine
bila idhini ya Kituo;
(d) mmiliki wa cheti ameshindwa kutimiza wajibu
ulioainishwa katika kifungu cha 26;
(e) mmiliki wa cheti hajaanza kutekeleza mradi ndani ya
miaka miwili ya kwanza tangu kutolewa kwa cheti bila
sababu za msingi; au
(f) mmiliki wa cheti hajawasilisha taarifa za mwaka za
utekelezaji na maendeleo ya mradi wa uwekezaji kwa
miaka miwili mfululizo.

sababu za msingi; au
(f) mmiliki wa cheti hajawasilisha taarifa za mwaka za
utekelezaji na maendeleo ya mradi wa uwekezaji kwa
miaka miwili mfululizo.

(4) Utaratibu wa kufuta cheti cha vivutio na masuala
mengine kuhusu ukomo wa cheti cha vivutio kwa kuzingatia
aina na umuhimu wa mradi wa uwekezaji utakuwa kama
itakavyoainishwa kwenye Kanuni. 21. Kituo kitaratibu uanzishaji wa taasisi za kibiashara
zinazosimamiwa na Sheria hii ikiwa ni pamoja na-
(a) usajili wa taasisi za kibiashara chini ya Sheria ya
Kampuni au sheria nyingine yoyote inayohusika na
uanzishaji wa biashara; na
(b) kuwezesha wawekezaji kupata leseni, vibali, nyenzo au
huduma muhimu. 22.–(1) Taasisi ya kibiashara iliyopewa cheti chini ya Sheria hii
itakuwa na haki ya kupata manufaa yanayoendana na biashara
hiyo chini ya masharti ya Sheria ya Kodi ya Mapato, Sheria ya
Uratibu wa
uanzishwaji
wa taasisi za
kibiashara
Sura ya 212
Manufaa
Sura ya 332
Sura ya 403
Sura ya 148

asharti ya Sheria ya Kodi ya Mapato, Sheria ya
Uratibu wa
uanzishwaji
wa taasisi za
kibiashara
Sura ya 212
Manufaa
Sura ya 332
Sura ya 403
Sura ya 148

©2025 Government of Tanzania. All rights reserved. No part of this book may be reproduced or distributed without permission of OAG.309SHERIA YA UWEKEZAJI TANZANIA [SURA YA 38 TOLEO LA 2023]
Ushuru wa Forodha, Sheria ya Kodi ya Ongezeko la Thamani
au sheria nyingine yoyote inayotumika kwa wakati huo. (2) Manufaa chini ya kifungu kidogo cha (1) hayatahusisha-
(a) gari lisilotumika moja kwa moja kwenye mradi
lililoainishwa chini ya Namba za Utambuzi 8702.10.19,
8702.90.19 na Sura Na.

o cha (1) hayatahusisha-
(a) gari lisilotumika moja kwa moja kwenye mradi
lililoainishwa chini ya Namba za Utambuzi 8702.10.19,
8702.90.19 na Sura Na.

8703 katika mfumo wa kimataifa
wa utambuzi wa bidhaa ili mradi zuio lililowekwa
halitahusisha mwekezaji ambaye cheti chake cha
vivutio kilitolewa kabla ya au tarehe 30 Juni, 2006;
(b) trela iliyoagizwa kutoka nje ya nchi iliyoainishwa chini
ya Namba za Utambuzi 8716.31.90 na 8716.40.90
katika mfumo wa kimataifa wa utambuzi wa bidhaa;
(c) gari lililotengenezwa zaidi ya miaka nane kabla ya
kuingizwa nchini;
(d) vifaa vya ofisi, shajara, samani, sukari, vinywaji baridi,
pombe kali, vigae, magari yasiyotumika moja kwa
moja kwenye mradi, vyombo vya chakula, viyoyozi,
majokofu, matandiko, saruji, nondo, mabati, PVC
na mabomba ya HDPE yenye Namba za Utambuzi
3917.23.00 na 3917.21.00 katika mfumo wa kimataifa
wa utambuzi wa bidhaa mtawalia, matrela na vifaa vya
kielektroniki vilivyoagizwa kutoka nje ya nchi;
(e) mawasiliano ya simu, isipokuwa bidhaa za mtaji kwa ajili
ya usimikaji wa minara ya mawasiliano ya simu. (3) Bila kujali masharti ya kifungu kidogo cha (1), msamaha
wa ushuru wa forodha utakaotolewa kwa bidhaa za mtaji usio
asili utatolewa kwa asilimia 75 ambapo mwekezaji atalipa
asilimia 25 ya ushuru unaopaswa kulipwa.

uru wa forodha utakaotolewa kwa bidhaa za mtaji usio
asili utatolewa kwa asilimia 75 ambapo mwekezaji atalipa
asilimia 25 ya ushuru unaopaswa kulipwa.

23.–(1) Uwekezaji maalum wa kimkakati na uwekezaji wa
kimkakati utatambuliwa na kupata vivutio vya ziada kwa
mujibu wa masharti ya kifungu hiki. (2) Bila kujali kifungu cha 2(2), taasisi ya kibiashara
itachukuliwa kuwa uwekezaji wa kimkakati ikiwa-
(a) kwa biashara-
(i) inayomilikiwa na Mtanzania, kima cha chini cha
mtaji wa uwekezaji si chini ya shilingi za Tanzania
Manufaa kwa
uwekezaji wa
kimkakati
au uwekezaji
maalum wa
kimkakati

Mtanzania, kima cha chini cha
mtaji wa uwekezaji si chini ya shilingi za Tanzania
Manufaa kwa
uwekezaji wa
kimkakati
au uwekezaji
maalum wa
kimkakati

©2025 Government of Tanzania. All rights reserved. No part of this book may be reproduced or distributed without permission of OAG.310SHERIA YA UWEKEZAJI TANZANIA [SURA YA 38 TOLEO LA 2023]
sawa na dola za Marekani milioni ishirini (US$
20,000,000); na
(ii) inayomilikiwa yote na mwekezaji wa kigeni au
kwa ubia, kima cha chini cha mtaji wa uwekezaji
si chini ya shilingi za Kitanzania sawa na dola za
Marekani milioni hamsini (US$ 50,000,000);
(b) inazalisha angalau ajira za ndani elfu moja zenye idadi
ya kutosha ya nafasi za juu kwenye miradi isiyohitaji
teknolojia ya hali ya juu na ya kisasa;
(c) ina uwezo wa kuongeza mauzo ya nje angalau
kwa asilimia hamsini ya bidhaa zinazozalishwa au
kupunguza uagizaji wa bidhaa kutoka nje;
(d) ina uwezo wa kuchochea uzalishaji kwa kuanzisha
kongani za kiuchumi katika sekta mbalimbali za kijamii
na kiuchumi;
(e) inaongeza ujuzi wa kiufundi kwa kuhaulisha teknolojia
mpya kwa watanzania; au
(f) ina uwezo wa kuzalisha bidhaa au kutoa huduma
muhimu kwa maendeleo katika sekta za kijamii na
kiuchumi kwa kuzingatia vipaumbele kwa wakati huo. (3) Serikali inaweza kubainisha miradi na kuipa hadhi ya
uwekezaji maalum wa kimkakati.

kijamii na
kiuchumi kwa kuzingatia vipaumbele kwa wakati huo. (3) Serikali inaweza kubainisha miradi na kuipa hadhi ya
uwekezaji maalum wa kimkakati.

(4) Hadhi ya uwekezaji maalum wa kimkakati inaweza
kutolewa kwa mradi unaokidhi vigezo vifuatavyo-
(a) kima cha chini cha mtaji wa uwekezaji usiopungua
shilingi za Tanzania sawa na dola za Marekani milioni
mia tatu (US$ 300,000,000); na
(b) miamala ya fedha za mtaji wa uwekezaji inafanywa
kupitia taasisi za ndani za kifedha na bima zilizosajiliwa;
(c) angalau ajira za ndani elfu moja na mia tano za moja
kwa moja zenye idadi ya kutosha ya nafasi za juu
zinazalishwa kwenye miradi isiyohitaji teknolojia ya
hali ya juu na ya kisasa; au
(d) uwezo wa kuzalisha kwa kiasi kikubwa mapato ya fedha
za kigeni, kuzalisha bidhaa muhimu zitakazopunguza
kiwango cha uagizaji wa bidhaa kutoka nje ya nchi
au usambazaji wa nyenzo muhimu zinazohitajika

dha
za kigeni, kuzalisha bidhaa muhimu zitakazopunguza
kiwango cha uagizaji wa bidhaa kutoka nje ya nchi
au usambazaji wa nyenzo muhimu zinazohitajika

©2025 Government of Tanzania. All rights reserved. No part of this book may be reproduced or distributed without permission of OAG.311SHERIA YA UWEKEZAJI TANZANIA [SURA YA 38 TOLEO LA 2023]
kwa maendeleo katika sekta ya kijamii, kiuchumi
au kifedha. (5) Baada ya mradi kupewa hadhi ya uwekezaji wa kimkakati
au uwekezaji maalum wa kimkakati, Waziri atapendekeza kwa
Kamati ya Taifa ya Uwekezaji vivutio maalum vya ziada. (6) Bila kujali mamlaka ya Waziri chini ya kifungu kidogo
cha (5), vivutio vitakavyopendekezwa havitahusisha vivutio
katika vifaa vya ofisi, shajara, samani, sukari, vinywaji baridi,
pombe kali, vigae, magari yasiyotumika moja kwa moja
kwenye mradi, vyombo, viyoyozi, jokofu, matandiko, saruji,
nondo, mabati, PVC na mabomba ya HDPE yenye Namba
ya Utambuzi 3917.23.00 na Namba ya Utambuzi 3917.21.00
katika mfumo wa kimataifa wa utambuzi wa bidhaa mtawalia,
matrela yaliyoagizwa kutoka nje ya nchi yenye Namba ya
Utambuzi 8716.31.90 na vifaa vya kielektroniki vyenye Namba
ya Utambuzi 8716.40.90 katika mfumo wa kimataifa wa
utambuzi wa bidhaa. (7) Endapo Kamati ya Taifa ya Uwekezaji itaidhinisha
vivutio maalum vya ziada, vivutio hivyo vitatolewa kwa mujibu
wa sheria husika.

ambuzi wa bidhaa. (7) Endapo Kamati ya Taifa ya Uwekezaji itaidhinisha
vivutio maalum vya ziada, vivutio hivyo vitatolewa kwa mujibu
wa sheria husika.

(8) Kamati ya Taifa ya Uwekezaji inaweza kupitia kila mradi
uliopewa vivutio maalum vya ziada kuhusiana na uzingatiaji
wa masharti ya vivutio vilivyotolewa na kuishauri Serikali
kuhusu kuendelea kutoa au kusitisha vivutio hivyo. 24. Endapo mtu anastahili manufaa au vivutio vya kifedha au
visivyo vya kifedha chini ya Sheria hii na manufaa au vivutio
hivyo vinasimamiwa na sheria nyingine, manufaa au vivutio
hivyo vitatolewa kwa mujibu wa masharti ya sheria husika. SEHEMU YA NNE
HAKI NA WAJIBU WA SERIKALI NA WAWEKEZAJI
25. Serikali itakuwa na haki ya kuchukua hatua zote za
kusimamia uwekezaji ili kuhakikisha kuwa shughuli za
uwekezaji nchini zinaendeshwa kwa kuzingatia misingi na
malengo ya Sheria hii na madhumuni ya kisera ya kijamii
na kiuchumi. Manufaa
na vivutio
vinavyosimamiwa
na sheria
nyingine
Haki ya
kusimamia
uwekezaji

malengo ya Sheria hii na madhumuni ya kisera ya kijamii
na kiuchumi. Manufaa
na vivutio
vinavyosimamiwa
na sheria
nyingine
Haki ya
kusimamia
uwekezaji

©2025 Government of Tanzania. All rights reserved. No part of this book may be reproduced or distributed without permission of OAG.312SHERIA YA UWEKEZAJI TANZANIA [SURA YA 38 TOLEO LA 2023]
26. Mwekezaji anayetambulika na Sheria hii atakuwa na
wajibu ufuatao:
(a) kutii sheria za nchi;
(b) kuwasilisha kwa wakati taarifa zinazohitajika na taasisi
zinazohudumia wawekezaji ili kuziwezesha kutekeleza
majukumu kwa ufanisi;
(c) kuendesha shughuli za uwekezaji kwa namna
inayolinda walaji, mazingira, usawa wa kijinsia na
kuendeleza ujuzi kwa wafanyakazi;
(d) kuwasilisha kwa Kituo taarifa za mwaka za utekelezaji
na maendeleo ya mradi wa uwekezaji;
(e) kutumia malighafi na rasilimali nyingine zinazopatikana
au kuzalishwa nchini; na
(f) kuruhusu maafisa wa Kituo kufanya ufuatiliaji wa
vivutio vilivyotolewa kwa mujibu wa Sheria hii. 27. Kwa madhumuni ya kuweka mazingira ya uwekezaji
yanayotabirika, taasisi ya kibiashara ambayo imepewa vivutio
chini ya Sheria hii itakuwa na haki ya kunufaika na vivutio
husika vilivyotolewa, na katika kipindi cha miaka mitano
kuanzia tarehe ya kutolewa vivutio hivyo havitarekebishwa au
kubadilishwa kwa namna itakayomuathiri mwekezaji. 28.

na katika kipindi cha miaka mitano
kuanzia tarehe ya kutolewa vivutio hivyo havitarekebishwa au
kubadilishwa kwa namna itakayomuathiri mwekezaji. 28.

Kwa kuzingatia kifungu hiki, taasisi ya kibiashara
inayosimamiwa na Sheria hii inahakikishiwa kuwa, kwa kupitia
benki yoyote iliyoidhinishwa na kwa aina ya fedha inayoweza
kubadilishwa kwa uhuru, itaweza kuhamisha bila masharti-
(a) faida halisi au gawio linalotokana na uwekezaji;
(b) malipo yanayohusiana na urejeshaji wa mkopo pale
ambapo mkopo umepatikana kutoka nje ya nchi;
(c) mapato, baada ya makato ya kodi na malipo mengine,
endapo taasisi ya kibiashara itauzwa au kufilisika au
faida yoyote inayotokana na uwekezaji; na
(d) malipo ya stahiki na marupurupu mengine kwa
wafanyakazi wa kigeni walioajiriwa nchini Tanzania
katika taasisi ya kibiashara. Wajibu wa
mwekezaji
Dhamana dhidi
ya kurekebishwa
au kubadilishwa
kwa manufaa
Dhamana ya
uwekezaji,
uhamishaji wa
mitaji, faida na
gawio

a kibiashara. Wajibu wa
mwekezaji
Dhamana dhidi
ya kurekebishwa
au kubadilishwa
kwa manufaa
Dhamana ya
uwekezaji,
uhamishaji wa
mitaji, faida na
gawio

©2025 Government of Tanzania. All rights reserved. No part of this book may be reproduced or distributed without permission of OAG.313SHERIA YA UWEKEZAJI TANZANIA [SURA YA 38 TOLEO LA 2023]
29.–(1) Kwa kuzingatia vifungu vidogo vya (2) na (3)-
(a) taasisi ya kibiashara haitataifishwa au kutwaliwa na
Serikali; na
(b) mtu anayemiliki mtaji wote au sehemu ya mtaji
wa taasisi ya kibiashara hatalazimishwa na sheria
kusalimisha maslahi yake ya mtaji kwa mtu mwingine. (2) Serikali haitatwaa taasisi ya kibiashara au sehemu ya
taasisi ya kibiashara inayosimamiwa na Sheria hii isipokuwa
kama utwaaji huo ni kwa mujibu wa sheria inayoweka
masharti ya-
(a) malipo ya fidia ya haki na kwa wakati; na
(b) haki ya kwenda mahakamani au kwenye vyombo vya
usuluhishi kwa ajili ya uamuzi wa maslahi au haki ya
mwekezaji na kiasi cha fidia anachostahili kupata. (3) Fidia yoyote inayolipwa chini ya kifungu hiki italipwa
kwa wakati na idhini ya kurejeshwa kwa fidia hiyo katika
aina ya fedha inayoweza kubadilishwa itatolewa pale
inapohitajika. 30.

kifungu hiki italipwa
kwa wakati na idhini ya kurejeshwa kwa fidia hiyo katika
aina ya fedha inayoweza kubadilishwa itatolewa pale
inapohitajika. 30.

Kila taasisi ya kibiashara iliyopewa cheti cha vivutio chini
ya Sheria hii itaruhusiwa kuwa na wafanyakazi wa kigeni
kwa kuzingatia ukomo wa idadi ulioainishwa katika sheria
inayosimamia masuala ya ajira kwa wageni:
Isipokuwa kwamba, kwa madhumuni ya masharti ya
kifungu cha 18, Kituo kitaratibu na kuwezesha upatikanaji wa
haki inayotolewa chini ya kifungu hiki. 31.–(1) Kwa kuzingatia kifungu cha 2, mwekezaji wa kigeni
anaweza, kuhusiana na biashara anayoendesha, kupata mikopo
kutoka benki na taasisi za fedha za ndani hadi kufikia ukomo
uliowekwa na Benki Kuu ya Tanzania kwa kushauriana na
Kituo kwa kuzingatia kiasi cha mtaji wa kigeni uliowekezwa
katika taasisi ya kibiashara. (2) Mwekezaji wa kigeni anayepata mkopo kwa mujibu
wa kifungu kidogo cha (1) atahakikisha kwamba mapato
ya mkopo huo yanatumika kwa madhumuni ya kutekeleza
shughuli zilizoainishwa katika maombi yake ya mkopo. Kinga dhidi ya
utaifishaji au
utwaaji
Ukomo wa idadi
ya wafanyakazi
wa kigeni
Upatikanaji wa
mikopo kwa
wawekezaji wa
kigeni kutoka
vyanzo vya ndani

. Kinga dhidi ya
utaifishaji au
utwaaji
Ukomo wa idadi
ya wafanyakazi
wa kigeni
Upatikanaji wa
mikopo kwa
wawekezaji wa
kigeni kutoka
vyanzo vya ndani

©2025 Government of Tanzania. All rights reserved. No part of this book may be reproduced or distributed without permission of OAG.314SHERIA YA UWEKEZAJI TANZANIA [SURA YA 38 TOLEO LA 2023]
(3) Benki inayotoa mkopo inaweza, kwa madhumuni
ya kifungu hiki, kuteua afisa au wakala wake ili kuthibitisha
matumizi sahihi ya mkopo uliotolewa chini ya kifungu kidogo
cha (1). SEHEMU YA TANO
MASHARTI YA JUMLA
32.–(1) Mtu ambaye hataridhika na uamuzi uliotolewa na
Kituo chini ya Sheria hii anaweza kukata rufaa kwa Waziri. (2) Mwekezaji ambaye hataridhika na uamuzi wa Kamati
ya Taifa ya Uwekezaji kuhusu uidhinishaji wa vivutio anaweza
kuwasilisha maombi kwa Kamati hiyo ili iweze kupitia tena
uamuzi wake. (3) Utaratibu wa kukata rufaa au kuwasilisha maombi ya
mapitio utaainishwa kwenye Kanuni. 33.–(1) Endapo mgogoro utatokea kati ya mwekezaji na
Kituo au Serikali kuhusu taasisi ya kibiashara, juhudi zote
zitafanywa ili kutatua mgogoro huo kwa njia ya majadiliano ili
kufikia suluhu.

wekezaji na
Kituo au Serikali kuhusu taasisi ya kibiashara, juhudi zote
zitafanywa ili kutatua mgogoro huo kwa njia ya majadiliano ili
kufikia suluhu.

(2) Mgogoro kati ya mwekezaji na Kituo au Serikali
kuhusu taasisi ya kibiashara ambao utashindwa kusuluhishwa
kwa majadiliano unaweza kuwasilishwa katika vyombo vya
usuluhishi kwa kuzingatia mojawapo ya njia zifuatazo kama
zitakavyokubaliwa na pande zote-
(a) kwa mujibu wa sheria za usuluhishi za Tanzania;
(b) kwa mujibu wa kanuni za utaratibu wa usuluhishi wa
Kituo cha Kimataifa cha Usuluhishi wa Migogoro ya
Uwekezaji; au
(c) ndani ya makubaliano yoyote baina ya nchi mbili au
zaidi kuhusu kinga ya uwekezaji yaliyofanywa na
Serikali ya Jamhuri ya Muungano na Serikali ya nchi
anayotokea mwekezaji. Rufaa na mapitio
Utatuzi wa
migogoro

husu kinga ya uwekezaji yaliyofanywa na
Serikali ya Jamhuri ya Muungano na Serikali ya nchi
anayotokea mwekezaji. Rufaa na mapitio
Utatuzi wa
migogoro

©2025 Government of Tanzania. All rights reserved. No part of this book may be reproduced or distributed without permission of OAG.315SHERIA YA UWEKEZAJI TANZANIA [SURA YA 38 TOLEO LA 2023]
34.–(1) Mtu ambaye wakati wa utekelezaji wa majukumu
yake ya kikazi katika usimamizi wa Sheria hii anamiliki au
anasimamia nyaraka au taarifa yoyote iliyopatikana chini
ya Sheria hii na ambaye atawasilisha nyaraka au taarifa hiyo
au sehemu ya nyaraka au taarifa hiyo kwa mtu mwingine
yeyote ambaye hajaidhinishwa kwa sheria yoyote au na Bodi,
anatenda kosa na akitiwa hatiani atawajibika kulipa faini
isiyozidi shilingi milioni tano au kifungo kisichozidi mwaka
mmoja au vyote. (2) Mwajiriwa wa Kituo ambaye ana wajibu wa kutekeleza
chini ya Sheria hii na ameshindwa kutekeleza wajibu huo au
ametekeleza wajibu huo kwa uzembe atachukuliwa hatua za
kinidhamu ambazo Bodi au mamlaka husika ya nidhamu
inaweza kuamua.

wa kutekeleza wajibu huo au
ametekeleza wajibu huo kwa uzembe atachukuliwa hatua za
kinidhamu ambazo Bodi au mamlaka husika ya nidhamu
inaweza kuamua.

(3) Mtu ambaye-
(a) kwa kujua au kwa uzembe anatoa taarifa za uongo au
za kupotosha;
(b) anakataa au anapuuza kutoa taarifa ambayo Kituo
kinaweza kuhitaji kwa madhumuni ya utekelezaji wa
Sheria hii; au
(c) anakataa bila sababu halali kumruhusu afisa
aliyeidhinishwa kuingia kwenye eneo lake la biashara
au vinginevyo anazuia ukaguzi wowote unaofanywa na
afisa aliyeidhinishwa katika kutekeleza majukumu yake
ya ufuatiliaji,
anatenda kosa na akitiwa hatiani atawajibika kulipa faini
isiyopungua shilingi milioni tano na isiyozidi shilingi milioni
kumi au kifungo kisichopungua miezi sita na kisichozidi
miezi kumi na mbili au vyote. (4) Endapo kosa limetendwa na taasisi mkurugenzi, mbia,
afisa mkuu wa usimamizi au afisa anayehusika katika taasisi
hiyo atachukuliwa pia kuwa ametenda kosa hilo. 35. Waziri, baada ya kushauriwa na Bodi, anaweza kutengeneza
kanuni kwa ajili ya kutekeleza masharti ya Sheria hii. Makosa na
adhabu
Kanuni

kosa hilo. 35. Waziri, baada ya kushauriwa na Bodi, anaweza kutengeneza
kanuni kwa ajili ya kutekeleza masharti ya Sheria hii. Makosa na
adhabu
Kanuni

©2025 Government of Tanzania. All rights reserved. No part of this book may be reproduced or distributed without permission of OAG.316SHERIA YA UWEKEZAJI TANZANIA [SURA YA 38 TOLEO LA 2023]
36. [Sheria ya Uwekezaji Tanzania inafutwa.]
37.–(1) Bila kujali kufutwa kwa Sheria chini ya kifungu cha 36,
cheti cha vivutio kilichotolewa au makubaliano yaliyoingiwa
chini ya Sheria iliyofutwa yataendelea kuwa halali kwa
kuzingatia vigezo na masharti ya kutolewa au kuingiwa
kwake kana kwamba cheti hicho cha vivutio kimetolewa au
makubaliano hayo yameingiwa chini ya Sheria hii, na yatakuwa
halali hadi mwisho wa muda ambao mmiliki au mnufaika
wake alikuwa na haki ya kunufaika na manufaa, vivutio au
kinga yoyote; na baada ya kumalizika kwa muda ulioainishwa
masharti ya Sheria hii yataanza kutumika. (2) Kwa kuzingatia kifungu kidogo cha (1), mtu mwenye
cheti cha vivutio kwa mujibu wa vigezo na masharti ya Sheria
iliyofutwa, hatadai manufaa, kinga au vivutio vyovyote chini
ya Sheria hii hadi baada ya kumalizika kwa muda ulioainishwa
katika kifungu kidogo cha (1).

iyofutwa, hatadai manufaa, kinga au vivutio vyovyote chini
ya Sheria hii hadi baada ya kumalizika kwa muda ulioainishwa
katika kifungu kidogo cha (1).

(3) Suala lolote linaloendelea mbele ya Kituo cha Uwekezaji
Tanzania kilichoanzishwa chini ya Sheria iliyofutwa
litahesabiwa kuwa linaendelea mbele ya Kituo. (4) Makubaliano yoyote yanayoendelea kwa mujibu wa
kifungu hiki yatatoa manufaa ambayo yalikuwa yakitolewa
awali chini ya makubaliano hayo kabla ya kuanza kutumika
kwa Sheria hii. (5) Endapo taasisi ya kibiashara iliyokuwepo kabla ya
kuanza kutumika kwa Sheria hii imezingatia ipasavyo
masharti ya Sheria iliyofutwa, kuhusiana na matakwa yoyote
ya kima cha chini cha mtaji wa uwekezaji ulioainishwa katika
Sheria iliyofutwa, taasisi hiyo ya kibiashara itachukuliwa kuwa
halali bila kujali masharti yoyote ya Sheria hii yanayoeleza
vinginevyo. Kufutwa kwa
Sheria Na. 6 ya 1997
Masharti ya
mpito